Credit card vs Credit Score كردت كارت و كردت سكوور

يسال الكثير من الاخوان عن الكردت سكور واجد انه يوجد خلط بين الكردت سكور والكردت كارد

الكردت سكوور هو نقاط تمثل تعامالاتك المالية سواء ايجابية او سلبية وكلما ارتفعت هذه النقاط كلما ازدادت نسب نجاح حصولك علىا لقرض

الكردت كارد هو كارت مصرفي تحصل به على قرض من البنك

الشرح ادناه منقول للفائدة

الكريدت كارد . وهي بطاقة ائتمان وممعناها   انه البنك او الشركه الي تقدم عليها راح تعطيك قرض الكتروني غير ملموس بضمانة هذا البنك او الشركة و هذا القرض معرض للفائدة في حال عدم سداد المبلغ الاجمالي للقرض في مده معينه تكون عادة شهريا و الغرض من القرضهو مساعدة الشخص بالصرف و الحصول على احتياجاته لحين توفر المال الازم لتغطية هذه الاحتياجات - يعني البنك ينطيك فلوس تصرف بيهه و بعدين انت اتسدد هاي الفلوس وحسب الي تصرفه و ممكن البنك ينطيك فلوس هوايه او شويه حسب ثقتهم بيك و طريقة تعاملك وياهم -

زين شنو الفئده للبنك او الشركه بهاي الحاله ؟ الشركه او البنك راح يستفاد من مبلغ الفائدة الي انت راح تنطيه اذا ما سددت الي صرفته بالكامل - يعني - البنك ينطيك 500 انت تصرف 250 و تجي براس الشهر اتسدد 200 فقط راح يبقى عليك 50 تداورهه على الشهر الي وراه , هاي ال 50 راح تدفع عليهه فائدة .

زين ليش المصرف ما يداعيك بال 250 كلهه ؟ لان هم يريدوك تكون مديون الهم حتى ياخذون منك فوائد اعلى وكلما يتراكم عندك المبلغ الدوار راح اتزيد نسبه الفائده وهكذا

هاي هيه الفكره والمبداء من الكريدت كارد و طبعا مهما كانت الشركه او البنك المانح للقرض فالفكره هي نفس الفكره او المبدا

زين شنو الكريدت هيستوري

الكريدت هيستوري هو عباره عن معاملاتك ويا الشركة المانحه للكرديت كارت و طريقه تسديدك لهذا القرض والتزامك معاهم بالمواعيد و المبالغ الواصله والمبالغ المصروفه (( اي نعم المصروفه))  وهاي المعاملات يتم اصدارهه و توثيقهه ال شهريا ومن ثم موسميا الى 3 مكاتب رئيسيه في الولايات المتحدة وهي ما تعرف بمكاتب الكريدت الاساسيه (( ويسترن يونيان و اكسبيرين و اكوافاكس))هذولي المكاتب عباره عن مصارف ائتمانيه جباره وهي الي تدير اقتصاد امريكا بالنسبه للقروض بدون اي منازع و هاي المكاتب هي الي تكون معلوماتك عدهم وبدون علمك ومخزونه بلائحة المعلومات الرئيسية وانت موقع على هذا الشي بالموافقه وبدون ما تدري لان من شروط منح القرض انه اتوافق على تقرير الكردت ومشاركته ب مكاتب الكردت الثلاثه